Poet
yaar se dast-o-gareban na hua tha so hua
kabhi itna main pasheman na hua tha so hua
vaqa.i ja-e-nadamat to yahi hai ki kabhu
mujh se jo kaam azizan na hua tha so hua
tujh ko dekhe koi aur us se ḳhafa hona haa.e
kya karun ai dil-e-nadan na hua tha so hua
kar ke nazzara tan-e-saf ka us ke haihat
shakl-e-a.ina jo hairan na hua tha so hua
hanste hanste na suna tha kahin ho ḳhana-ḳharab
rovo ab dida-e-giryan na hua tha so hua
baal ve bikhre hue dekh ke ruḳh par us ke
kabhu kafir jo musalman na hua tha so hua
‘muntazir’ is dil-e-betab ke hathon shab-e-vasl
kya kahen tum se miyan jo na hua tha so hua
Leave a Reply