yaar rutha hai mira us ko mana.un kis tarah
minnaten kar paanv pad us ke le aa.uun kis tarah
jab talak tum ko na dekhun tab talak bechain huun
main tumhare paas har saaat na aa.uun kis tarah
dil dhadakta hai mabada uth ke deve galiyan
yaar sota hai mira us ko jaga.un kis tarah
bulbulon ke haal par aata hai muj ko rahm aaj
daam se sayyad ke un ko chhuda.un kis tarah
yaar banka hai mira chhut tegh naiin karta hai baat
us se ai ‘taban’ main apna ji bacha.un kis tarah