Poet
yaar ka pata logo ja-ba-ja nahin milta
jis jagah pe khoya ho us jagah nahin milta
sho.ala-e-javala hai aag ka havala hai
masjidon ki ThanDak men ab ḳhuda nahin milta
ishq karne vaale bhi ishq ab nahin karte
ju-e-shir laane ka ab sila nahin milta
lambe lambe raston pe chhoTe chhoTe logon ko
manzilon ki qurbat se hausla nahin milta
dhuup ke musafir ko dasht ki masafat men
saya-dar peḌon ka aasra nahin milta
is qadar ujala hai shahr ke darichon men
jugnuon ko ab ‘tal.at’ rasta nahin milta
Leave a Reply