Yar Hamari Baat Na Puchh

yaar hamārī baat na pūchh

kaise biitī raat na pūchh

kis darja pāmāl hue

bekas ke jazbāt na pūchh

ab tak jism sulagtā hai

kaisī thī barsāt na pūchh

āñkhoñ kī tahrīr samajh

kyā hai apnī zaat na pūchh

bas apnā kirdār nibhā

kis kī hogī maat na pūchh

dil uff kar ke baiTh gayā

kaise the lamhāt na pūchh

safar kaḌā hai chaltā chal

kaun hai kis ke saath na pūchh

Leave a Comment