Yar Duniya to Faqat Do Harf Ki Hai

yaar duniyā to faqat do harf kī hai

baat lekin aadmī ke zarf kī hai

tum use pal meñ samajhnā chāhte ho

maiñ ne aadhī umr apnī sarf kī hai

is se aage ab manāzir dhuup ke haiñ

aur mire hāthoñ meñ chhatrī barf kī hai

sun rahā huuñ aaj phir aahaT tirī maiñ

kānoñ meñ āvāz bhī us zarf kī hai

kitne pur-tāsīr haiñ alfāz phir bhī

kuchh kamī lahje meñ us ke zarf kī hai

Leave a Comment