Sahartab Roomani
yaar duniya to faqat do harf ki hai
baat lekin aadmi ke zarf ki hai
tum use pal men samajhna chahte ho
main ne aadhi umr apni sarf ki hai
is se aage ab manazir dhuup ke hain
aur mire hathon men chhatri barf ki hai
sun raha huun aaj phir aahaT tiri main
kanon men avaz bhi us zarf ki hai
kitne pur-tasir hain alfaz phir bhi
kuchh kami lahje men us ke zarf ki hai
Leave a Reply