yahi teri rahmat sila de rahi hai
miri bebasi bhi maza de rahi hai
tu purab to purba tu pachchhim to pachhua
hava bhi tera hi pata de rahi hai
main din-rat tujh ko karun yaad kitna
mohabbat tiri ab saza de rahi hai
tere qa.ede men qadam kya paḌe bas
mujhe zindagi ḳhud nishan de rahi hai
na nazdik ankhon ke kijiye sham.a ko
nahin to kahenge dagha de rahi hai
pahaḌon ki sazish nahin to nahin ye
ghuTan si ye kaisi hava de rahi hai
baḌi mushkilon se jo sho.ale bujhe hain
unhen saltanat kyuun hava de rahi hai
inayat bhi teri ye kya de rahi hai
mujhe ‘raaj nit din naya de rahi hai
Leave a Reply