yahan par mira kuchh bhi tha hi nahin
so ghaTa zara bhi hua hi nahin
ragon tak men ḳhushbu tiri jazb ki
hava pe bharosa kiya hi nahin
mire dil ki halat jo thi vo rahi
ye pauda shajar to hua hi nahin
vo kya majra tha khula hi nahin
nishane pe patthar laga hi nahin
kahani diye ki bahut ḳhuub hai
magar is men zikr-e-hava hi nahin
javabon ke chehron pe hain uljhanen
savalon ka ab tak pata hi nahin
safar ka main aghaz kaise karun
mire haq men koi dua hi nahin
Leave a Reply