Akhilesh Tiwari
uḌa ke phir vahi gard-o-ghubar pahle sa
bula raha hai safar bar-bar pahle sa
vo ek dhund thi aḳhir ko chhaT hi jaana thi
dikhai dene laga ar-par pahle sa
nadi ne raah samundar ki phir vahi pakḌi
sadaen deta raha regzar pahle sa
kahin dhalan muqaddar na ho bulandi ka
chaḌhai phir na ho apna utaar pahle sa
saval kyuun na charagh-e-sahar se kar dekhen
junun ab bhi hai kya barqarar pahle sa
to kya palaT ke vahi din phir aane vaale hain
kai dinon se hai dil be-qarar pahle sa
Leave a Reply