Alok Yadav
yahan ho rahin hain vahan ho rahin hain
nihan thiin jo baten ayaan ho rahin hain
irade hamare dua.en tumhari
hava.en hi ḳhud badban ho rahin hain
luTa.i kisi ne javani vatan pe
disha.en bhi shahna.iyan ho rahin hain
ka.i asman aa gire hain zamin par
zaminen ka.i asman ho rahin hain
raqibon talak kaise pahunchi vo baten
jo tere mire darmiyan ho rahin hain
koi phuul devi ke charnon tak aaya
kahin muntashir pattiyan ho rahin hain
Leave a Reply