poet

Rang Le Kar Naya Udasi Ka

rang le kar naya udasi ka

koi manzar bana udasi ka

phir koi dastan chhedi gai

phir bana daera udasi ka

meri ankhon men raqs-e-virani

dekh kar dil phata udasi ka

main ne kamre men jis taraf dekha

naqsh banta gaya udasi ka

mushtamil hai hazar sadiyon par

pal vo thahra hua udasi ka

shervani kharid li us ne

main ne zevar liya udasi ka

More Poems

Leave a Comment