yadon ka ajiib silsila hai
soya hua dard jaag uTha hai
miT bhi chuke naqsh-e-pa magar dil
mahki hui chaap sun raha hai
divaren khaḌi hui hain lekin
andar se makan gir raha hai
puchhe hai chaTak ke ghuncha-e-zaḳhm
ai ajnabi tera naam kya hai
kis sho.ala-badan ki yaad aa.i
daman-e-ḳhayal jal uTha hai
socha hai ye main ne pi ke aksar
nashshe men ye raushni si kya hai
qatil ko dua.en do ki ‘farigh’
har zaḳhm-e-vafa ghazal-sara hai
Leave a Reply