Hameed Almas
yaad maazi ke charaghon ko bujhaya na karo
tum bhi tanha na raho mujh ko bhi tanha na karo
nafas-e-bad-e-saba haath na aa.ega kabhi
gul ki uḌti hui ḳhushbu ka ahata na karo
ham ne dekha hai dam-e-aḳhir-e-shab ḳhvab koi
tum se kahna hai ki ta.abir ka charcha na karo
kuchh na kuchh hoga mire ḳhaak uḌane ka sabab
jaane vaalo mujhe avaza-e-sahra na karo
yuun na mahsus ho aflak-nashin hai koi
is qadar duur se to mujh ko pukara na karo
Leave a Reply