Qamar Iqbal
yaad mausam vo purane aa.e
zaḳhm hansne ke zamane aa.e
dil ki dahliz pe yadon ke siva
kaun avaz lagane aa.e
ab kahan taab lahu rone ki
ab na vo ḳhvab dikhane aa.e
log jiite hain lahu pi ke yahan
ham kahan pyaas bujhane aa.e
kah ga.e baat jo sach thi varna
yaad kitne hi bahane aa.e
har ghazal men hai chhupa vo chehra
koi ghunghaT to uThane aa.e
shaḳh phulon se jhuki jaati hai
koi to haath baḌhane aa.e
sub.h jab ho to ‘qamar’ misl-e-saba
phuul rakhne vo sirhane aa.e
Leave a Reply