garm-e-fughan hai jaras uth ki gaya qafila
vaae vo rah-rau ki hai muntazir-e-rahila
teri tabiat hai aur tera zamana hai aur
tere muafiq nahin khanqahi silsila
dil ho ghulam-e-khirad ya ki imam-e-khirad
salik-e-rah hoshiyar sakht hai ye marhala
us ki khudi hai abhi sham-o-sahar men asiir
gardish-e-dauran ka hai jis ki zaban par gila
tere nafas se hui atish-e-gul tez-tar
murgh-e-chaman hai yahi teri nava ka sila
Leave a Reply