Anwar Shuoor
yaad karo jab raat hui thi
tum se koi baat hui thi
kah sakta tha kaun kisi se
vo shakl-e-halat hui thi
sab se naata toḌ ke yakja
teri meri zaat hui thi
insanon ne haq manga tha
aur faqat ḳhairat hui thi
us ki kam-amezi se meri
tahzib-e-jazbat hui thi
marne vaala ḳhud ruTha tha
ya naraz hayat hui thi
use zara sa ḳhat likhne par
ḳharch tamam davat hui thi
aaj ‘shu.ur’ saba ki aamad
kitni baḌi saughat hui thi
Leave a Reply