Poet
saaf ham tum se aaj kitne hain
sab tumhen bad-mizaj kahte hain
tere bimar-e-gham ko hai vo maraz
hukama la-ilaj kahte hain
meri dhadkan se vo bhi na bechain
haan ise ikhtilaj kahte hain
kya anasir men hai tari qudrat
bas ise imtizaj kahte hain
hai shahadat ki aarzu qatil
dil ki ham ehtiyaj kahte hain
dagh-e-sauda ne sarfaraz kiya
ham ise apna taaj kahte hain
khuub paida kiya hai naam ‘anjum’
log ashiq-mizaj kahte hain
Leave a Reply