Sohail Azad
yad-e-rafta tira gham manane ke ham
rah ga.e sirf par phaḌphaḌane ke ham
muddaton ahd-e-nau se ulajhte rahe
is jahan men purane zamane ke ham
aadmi jis men insan bana.e ga.e
kaash hote usi kar-ḳhane ke ham
ansuon kuchh bhi mushkil nahin zabt-e-gham
tum ko lekin nahin azmane ke ham
bhulne ki taraf hai zamane ki rau
ab kisi ko nahin yaad aane ke ham
ya.ani ‘azad’ dil hi dikha na sake
ya.ani mujrim hain bas muskurane ke ham
Leave a Reply