Poet
yaad aaya hai jab koi dipak jale
dil ke angan men gham ke jhakore chale
raas aa.i na shayad chaman ki hava
dekh vahshi tire su-e-sahra chale
aarzu koi dil men hai ab is tarah
jis tarah raakh men koi sho.ala pale
zindagi kya hai ye dekhna ho jise
mere hamrah vo mai-kade ko chale
mehrbani ho ya koi un ka sitam
mujh se tarse hue ko hain donon bhale
‘nazim’ aḳhir vo ḳhuddariyan kya huiin
aaj us bazm men be-bula.e chale
Leave a Reply