asar zulf ka barmala ho gaya
balaon se mil kar bala ho gaya
junun le ke hamrah aai bahar
nae sir se phir valvala ho gaya
diya ghair ne bhi dil akhir use
mujhe dekh kar man-chala ho gaya
samai dil-e-tang ki dekhiye
ki aalam men sabit khala ho gaya
taalli zamin se jo nalon ne ki
falak par ayaan zalzala ho gaya
hua qatl be-jurm main ja ke ‘barq’
vo kucha mujhe karbala ho gaya
Leave a Reply