Insha Allah Khan Insha
ek din raat ki sohbat men nahin hote sharik
ham ko kya faeda gar aap bahut hain nazdik
ab to tuk ho ke khade baat hamari sun lo
raat hai kucha-o-bazar pade hain tarik
paan jo haath se kal ghair ke tu ne khaya
pi ke lohu ko gharaz ghunt rahe ham juun piik
duur ho vadi-e-majnun se nikal ai vahshat
kis vasile se mili tujh ko jahan ki tamlik
vadi-e-ishq men ‘insha’ tu sambhal kar jaata
haan khabar-dar ki ye raah bahut hai tarik
Leave a Reply