Khwaja Tariq Usmani
meri avara-mizaji ko mukammal kar de
ai ḳhuda dasht-e-tamanna mira maqtal kar de
TuTte bante anasir men ho tahrik-e-kamal
ya mujhe ḳhaak bana ya mujhe jal-thal kar de
na sahi lala-o-gul nala-e-bulbul na sahi
mujh ko gulshan nahin karta hai to jangal kar de
dil ko jhulsata hai ik yaad ka suraj kab se
ya-ḳhuda ab to kisi ḳhvab ko badal kar de
ab ke barsat lagi ankhon se andar ki taraf
ḳhauf ye hai ki mira jism na daldal kar de
vo mujhe hosh men rakhta hai taḌapne ke liye
barha main ne kaha hai mujhe pagal kar de
Leave a Reply