imam-bakhsh-nasikh

Yaad Aati Hain Hamein Jaan Tumhaari Baaten

yaad aati hain hamen jaan tumhari baten

haae vo pyaar ki avaz vo pyari baten

pahron chup rahte hain ham aur agar bolte hain

vahi phir phir ke ulatti hain tumhari baten

ghair har dam mujhe baten jo suna jaate hain

janta huun ye main ai jaan tumhari baten

yaad aata hai tira kya ke evaz ka kahna

haae phir kab main sununga vo ganvari baten

hai buri baat ye aghyar se baten karni

varna ai jaan tiri achchhi hain saari baten

is tarah bol nikalte na sune the ham ne

karti hai saaf sanam teri sitari baten

tu vo ejaz-e-bayan hai ki masiha samjhen

sun len ai jaan kisi din jo juari baten

is liye ashk bahata huun dam-e-fikr-e-sukhan

ki hamesha rahen duniya men ye jaari baten

tu vo gul hai ki agar kaan dhare gulshan men

ho zaban mauj kare bad-e-bahari baten

kijiye sehr-bayani se musakhkhar kyun-kar

kabhi sunta nahin ‘nasikh’ vo hamari baten

More Poems

Leave a Comment