yaad aate hi rahe dil se nikale hue log
kis ki miras the aur kis ke havale hue log
shahr-ashob men aansu ki tarah phirte hain
haae vo log kisi khvab ke paale hue log
avval avval to hamari hi tarah lagte the
mansab-e-ishq pe aae to nirale hue log
jaane kis samt unhen talkhi-e-dauran le jaae
apni pahchan ko nezon pe uchhale hue log
ek rut aai ki khushbu ki tarah phail gae
aur phir vaqt ki maujon ke havale hue log
Leave a Reply