dil men liye auham ko is ghar se utha main
khali kahan but-khana-e-azar se utha main
yuun hai ki zabardasti uthaya gaya mujh ko
aise to nahin ku-e-sitamgar se utha main
ahbab men dil khol ke ab jashn mana le
le aaj tire sahn-e-muattar se utha main
ik bojh uthae hue ankhon men kati shab
ik ism ko padhte hue bistar se utha main
tu alam-e-ruya men mujhe chhod ke palta
phir chaunk ke khud apne barabar se utha main
thamunga nahin ab ke munajat ka daman
dil tujh se utha aur tire dar se utha main
Leave a Reply