apne dushman ko kabhi pyaar nahin de sakte
dast-e-qatil men to talvar nahin de sakte
in samar-dar daraḳhton se hamen kya hasil
jo hamen saya-e-ashjar nahin de sakte
un ki sha.istagi-e-shauq hai takmil-talab
apne jazbon ko jo me.aar nahin de sakte
kyuun ta.alluq se pighal jaata hai dil ka patthar
raaz ye sahab-e-asrar nahin de sakte
‘shahida’ taj-mahal ab koi banta bhi nahin
log aisa koi shahkar nahin de sakte
Leave a Reply