Hum Ahl-E-Zarf Hain Yun Hi Khafa Nahin Hote

ham ahl-e-zarf hain yuun hi khafa nahin hote

vafa-shiar kabhi bevafa nahin hote

kuchh aise aansu bhi rahte hain meri palkon par

juda to hote hain phir bhi juda nahin hote

jo zakhm tum ne navaze hain be-sabab ham ko

kisi bhi dard ka vo masala nahin hote

kaha ye kis ne kahan se ye sun ke aae ho

jo be-sahara hain vo aasra nahin hote

har ek gaam pe jo ladkhadae rahte hain

ghubar-e-rah men vo rasta nahin hote

charagh to hain magar itne dhundle dhundle kyuun

‘kiran’ tumhare to ye naqsh-e-pa nahin hote

Leave a Comment