Poet
vufur-e-zof se dil yaar par nahin aata
gham-e-firaq men jiina nazar nahin aata
nigah-e-dida-e-dil se nazar nahin aata
khayal-e-yar bhi do do pahar nahin aata
visal-e-dost bhi bad-e-visal hai shayad
ki jo udhar ko gaya phir idhar nahin aata
ghubar-e-chashm bhi hai justuju men sargardan
hava men khaak bhi vo rahbar nahin aata
chadhae gor-e-ghariban pe kaun chadar-e-gul
charagh le ke koi qabr par nahin aata
ye roz shaam se hai subh tak khud-arai
ki shab ko aina bhi apne ghar nahin aata
na shama-ru pe bhi duun jaan misl-e-parvana
ki nam-e-ishq ko badnam kar nahin aata
main shab ko la ke use ‘arsh’ khaak huun ham-khvab
vo shokh khana-kharab apne ghar nahin aata
Leave a Reply