Poet
vo zimmedari kitni ḳhushi se nibha.i thi
us ko sara.i ki zaban main ne sikha.i thi
main ne jahan pe pyaas ko sairab kar diya
dariya ki ek lahr mire haath aa.i thi
jang-e-arab men chhoḌ ga.e jab himayati
kuufa ke ik javan ne miri jaan bacha.i thi
aurat se bahs karna samajhta tha bas hatak
aur nazriyati laḌki bhi dil men basa.i thi
iman ka hisab bhi rakhna paḌa hamen
zaati bhala.i men hi ḳhuda ki bhala.i thi
vaadi men har-su ugne lage paniyon ke phuul
chashme pe koi husn-bhari aa naha.i thi
main ne chune hain apni hi marzi ke chand phuul
varna to mere hisse men puuri ḳhuda.i thi
shayad ki ek raat ke ba.ad aur raat ho
sapne men ik juda.i ke ba.ad aur juda.i thi
Leave a Reply