Siraj Lakhnavi
vo zakat-e-daulat-e-sabr bhi mire chand ashkon ke naam se
vo nazar-guzar ki sharab thi jo chhalak ga.i mire jaam se
miri chashm-e-shauq men kaif-e-dil jo bhara tha ḳhuun ke naam se
vahi sho.ala ban ke bhaḌak uTha vahi phuuT nikla hai jaam se
koi raat ankhon men kaaT li koi taare gin ke guzar di
yahi marte marte havas rahi main kabhi to so rahun shaam se
baḌi dil-fareb hai dastan tira zikr aur mira bayan
vo dahan dahan vo zaban zaban jo hai ashna tire naam se
mujhe kya zarurat-e-chara-gar isi ik dava men hain do asar
kabhi mar-miTa tire naam par kabhi ji uTha tire naam se
mujhe vaa.iz apni lagi hai dhun koi phuul atish-e-tar ka chun
mire dard-e-dil ki hadis sun kabhi chheḌ kar lab-e-jam se
jo azal men tha vahi nuur hai ki charagh-e-mahfil-e-tur hai
koi rahne vaala zarur hai mire dil men dard ke naam se
jo taḌap thi kal vahi aaj hai yahi mire dil ka ilaaj hai
miri zindagi bhi ‘siraj’ hai isi iztirab-e-davam se
Leave a Reply