rah-e-talab men hamen gham pe gham nazar aa.e
ba-qadr-e-zauq magar phir bhi kam nazar aa.e
vahin vahin mira zauq-e-sujud machla hai
jahan jahan tire naqsh-e-qadam nazar aa.e
mire shu.ur ki ankhon men aa ga.e aansu
mujhe asir-e-alam jab sanam nazar aa.e
tiri talash men ye bhi maqam aaya hai
jidhar nigah uThi sirf ham nazar aa.e
vo jalva-bar hain dil ke nigar-ḳhane men
jo meri chashm-e-tamasha ko kam nazar aa.e
Leave a Reply