ahmad-azeem-1

Wo To Shukr Karo Tum Mitha Lahja Hai Shahzadi Ka

vo to shukr karo tum mitha lahja hai shahzadi ka

jis ko pyaar samajhte ho vo ghussa hai shahzadi ka

main ne saari duniya men bas ek hasina dekhi hai

baaqi koi husn nahin hai charba hai shahzadi ka

dekhne vaale soch rahe hain mere munh men cigarette hai

main kahne men sharmata huun bosa hai shahzadi ka

jab main us ka huun to puchhte kyuun ho ye dil kis ka hai

naukar bhi us ke honge jab bangla hai shahzadi ka

More Poems

Leave a Comment