Wo Talluq Zindagi Jis Mein Raha Bil-Wasta Main

Siraj Ajmali

vo ta.alluq zindagi jis men raha bil-vasta main

us samet ik din sipurd-e-taq-e-nisyan ho gaya main

bas yahi mausam tha aisa hi saman tha yaad hoga

taq-e-jan men sham.a ik raushan hui aur bujh gaya main

ek din aisa ki thi qurban us par jaan si shai bhi

ek din rone laga ik shaḳhs se ba-qa.eda men

dastan-e-gham miri sunne ko ik same.a mila jab

qahqahe pahle laga.e aur phir chup ho gaya main

sham-e-mimbar par fazilat ke bahut sanjida farhan

sub.h-dam afsurdagi ke farsh par bikhra hua main

vapsi ki raah kyuun milti nahin hai saath vaalo

garche is bazar men aaya gaya huun barha main