Shamim Qasmi
vo shaḳhs bhi hai ajib-o-gharib DhunDhta hai
saf-e-raqib men hai aur raqib DhunDhta hai
jhulas na de kahin us ko bhi atish-e-mafhum
miri ghazal men vo zikr-e-habib DhunDhta hai
agarche ho gaya buḌha visal ka mausam
vo bu-e-yar abhi bhi qarib DhunDhta hai
vo apne ahd ka sahra-navard hai lekin
shajar ko kaaT ke ab andalib DhunDhta hai
vo sher kahta hai ya koi jaal bunta hai
suḳhan-safar men ilaqa muhib DhunDhta hai
Leave a Reply