vo rang-e-tamanna hai ki sad-rang hua huun
dekho to nazar huun jo na dekho to sada huun
ya itna subuk tha ki hava le uḌi mujh ko
ya itna giran huun ki sar-e-rah paḌa huun
chehre pe ujala tha gareban men sahar thi
vo shaḳhs ajab tha jise raste men mila huun
kab dhuup chali shaam dhali kis ko ḳhabar hai
ik umr se main apne hi saae men khaḌa huun
jab andhiyan aai hain to main nikla na ghar se
patton ke ta.aqub men magar dauḌ paḌa huun