vo mujhe ḳhaak se bahar nahin jaane dete
dast-e-sahil se samundar nahin jaane dete
sat.h par aa.e hue ban ke kaf o mauj o hubab
zer-e-dariya yahi gauhar nahin jaane dete
hain miri raah ka patthar miri ankhon ka hijab
zaḳhm bahar ke jo andar nahin jaane dete
mujh ko is gumbad-e-be-dar se pare ka bhi hai zauq
ye mire baal mire par nahin jaane dete
hadd-e-aflak pe ja kar to sada de aaya
magar aflak se uupar nahin jaane dete
Leave a Reply