Wo Mere Gham Mein Bhi KHandan Nahin Hone Pata

vo mire gham men bhi ḳhandan nahin hone paata

haa.e vo kufr jo iman nahin hone paata

vo nasheman ki jo barbad-e-baharan ho jaa.e

vo kahin soḳhta-saman nahin hone paata

ho agar hosh bhi ehsas-e-baharan men sharik

chaak apna bhi gareban nahin hone paata

itni asan bhi gham-e-dost ki takmil nahin

ghar bhi ujḌe to bayaban nahin hone paata

yuun bhi ik umr guzar jaati hai milte milte

ek ko ek ka irfan nahin hone paata

‘shor’ ḳhamosh nahin mere hi zindan ke charagh

shahr-e-ḳhuban bhi charaghan nahin hone paata