Wo Mera Yar Hai Par Meri Manta Nahin Hai

vo merā yaar hai par merī māntā nahīñ hai

vo dard detā hai par dard bāñTtā nahīñ hai

yā us ko merī zabāñ kī samajh nahīñ aatī

yā jān-būjh ke is samt dekhtā nahīñ hai

tū us ke paas kabhī jā ke thoḌā vaqt guzār

ki jitnā tū ne sunā utnā vo burā nahīñ hai

vo bolī tere liye ḳhāndān kyuuñ chhoḌūñ

‘vaqār’ tujh se mirā rishta ḳhuun kā nahīñ hai

Leave a Comment