Tu Baaton Mein Bigad Jata Hai Mujhse

tu baton men bigad jaata hai mujh se

para.i pach pe lad jaata hai mujh se

ye kya kaj-kaviyan aur tedhiyan hain

ki tap tap ko jhagad jaata hai mujh se

hamesha maash ka aata sa kyuun tu

zari bhar men akad jaata hai mujh se

bura hai ishq ka azar yaaro

ye aksar vaqt ad jaata hai mujh se

tababat men masiha huun va-lekin

maraz ye to chapad jaata hai mujh se

hai jaani tujh men sab ḳhubi pa jaan sa

tu ik dam men bichhad jaata hai mujh se

hai dushman man-chala par ‘azfari’ dekh

nazar padte sankad jaata hai mujh se

Leave a Comment