ḳhud ko sharminda-e-be-dad kiya hai kis ne
aaj bhule se mujhe yaad kiya hai kis ne
kis ne pahlu men ye ahista se chuTki li hai
dil ko majbur ba-fariyad kiya hai kis ne
zindagi ko to samajhta huun main ik jaur-e-azim
kya ḳhabar ye sitam ijad kiya hai kis ne
hai jo ehsan to kuchh hasrat javed ka hai
varna pas-e-dil-e-nashad kiya hai kis ne
daad har samt se milti hai ‘munavar’ ko baja
itna uncha sar-e-ajdad kiya hai kis ne
Leave a Reply