Wo Kyun Na ruThta Maine Bhi to KHata Ki Thi

Sabir Zafar

vo kyuun na ruThta main ne bhi to ḳhata ki thi

bahut ḳhayal rakha tha bahut vafa ki thi

suna hai in dinon ham-rang hain bahar aur aag

ye aag phuul ho main ne bahut dua ki thi

nahin tha qurb men bhi kuchh magar ye dil mira dil

mujhe na chhoḌ bahut main na iltija ki thi

safar men kashmakash-e-marg-o-zist ke dauran

na jaane kis ne mujhe zindagi ata ki thi

samajh saka na koi bhi miri zarurat ko

ye aur baat ki ik ḳhalq ishtiraki thi

ye ibtida thi ki main ne use pukara tha

vo aa gaya tha ‘zafar’ us ne intiha ki thi