dard-e-dil ki unhen khabar na hui
koi tadbir kargar na hui
koshishen ham ne kiin hazar magar
ishq men ek mo’tabar na hui
kar chuke ham ko be-gunah shahid
aap ki aankh phir bhi tar na hui
na-rasa ah-e-ashiqan vo kahan
duur un se jo be-asar na hui
aai bujhne ko apni sham-e-hayat
shab-e-gham ki magar sahar na hui
shab the ham garm-e-nala-ha-e-firaq
subh ik ah-e-sard sar na hui
tum se kyunkar vo chhup sake ‘hasrat’
nigah-e-shauq parda dar na hui
Leave a Reply