Syed Amin Ashraf
vo ḳhud ko mere andar DhunDta hai
vo surat hai ye surat-ashna hai
magar ye apne apne da.ere hain
koi naghma koi naghma-sara hai
vo badal hai to kyuun hai ju-e-kam-ab
samundar hai to kyuun par taulta hai
nadi ke darmiyan sidhi saḌak hai
nadi ke paar kachcha rasta hai
vo na-maujud har shai men hai maujud
ye aalam bhi ajab hairat-faza hai
na jaane kya sar-e-nazzara hoga
use dekha nahin dil mubtila hai
Leave a Reply