kuchh pata mera nahin hai ashiyanon men kahin
gum hua huun chalte chalte karvanon men kahin
ai dua us ki ḳhabar le kar tu jaldi lauTna
gum ga.i hai aah meri asmanon men kahin
ḳhvab ke rath jis jagah hota hai badal par safar
aaj shab le ja mujhe tu un jahanon men kahin
ek suraj chhup gaya hai aa ke chadar men miri
ek saaya mil gaya hai sa.ebanon men kahin
raat mash.al le ke un ko DhunDne main ja.unga
jo chhupe baiThe hain dil ke raakh danon men kahin
garche hai dushvar phir bhi DhunDhta phirta huun main
ek chehra gum hua a.ina-ḳhanon men kahin
jin ke hone se mayassar hain tujhe asaniyan
kaash ho mera shumar un mehrbanon men kahin
Leave a Reply