Farooq Bakshi
vo ḳhud apna daman baḌhane lage
chalo aaj aansu Thikane lage
hamara bura vaqt jab Tal gaya
phir ahbab milne-milane lage
tiri barhami men bhi jan-e-vafa
navazish ke andaz aane lage
madava-e-gham kuchh to karna hi tha
musibat paḌi gungunane lage
maza de gaya yaar daur-e-firaq
hamen to ye din bhi suhane lage
mohabbat se taufiq-e-iz.har tak
pahunchte pahunchte zamane lage
ye ghunche bhi ‘faruq’ kya ḳhuub hain
khuli aankh aur muskurane lage
Leave a Reply