Shakeela Bano
vo jo har dam mire khayal men hai
jaane kis parda-e-jamal men hai
chahte ho to tuut kar chaho
khud javab aap ke saval men hai
haan mira fan kamal ko pahuncha
ziist lekin miri zaval men hai
fikr kya surkh-ru ho ya tuute
dil mira un ki dekh-bhal men hai
kya zaruri hai ham javab hi den
ek talvar chup ki dhaal men hai
un ko fursat kahan jo ye sochen
‘bano’ imsal kis vabal men hai
Leave a Reply