vo jab bhi pukarega yahan aan rahenge
ham ḳhak-nashin be-sar-o-saman rahenge
hangam-e-jahan tujh men pareshan rahenge
ya dasht-e-tilismat men hairan rahenge
saaya bhi yahan duur zara ham se chalega
ye shahr hi aisa hai ki anjan rahenge
ai aql nahin a.enge baton men tiri ham
nadan the nadan hain nadan rahenge
sun ḳhu-e-tarab shahr-e-nigaran ki taraf ja
ham ahl-e-junun su-e-bayaban rahenge
Leave a Reply