nikhat-iftikhar

Meri Chahat Ki Bahut Lambi Saza Do Mujhko

meri chahat ki bahut lambi saza do mujh ko

karb-e-tanhai men jiine ki dua do mujh ko

fan tumhara to kisi aur se mansub hua

koi meri hi ghazal aa kar suna do mujh ko

haal behal hai tarik hai mustaqbil bhi

ban pade tum se to maazi mira la do mujh ko

akhiri shama huun main bazm-e-vafa ki logo

chahe jalne do mujhe chahe bujha do mujh ko

khud ko rakh ke main kahin bhuul gai huun shayad

tum miri zaat se ek baar mila do mujh ko

More Poems

Leave a Comment