Habib Jalib
chuur tha zaḳhmon se dil zaḳhmi jigar bhi ho gaya
us ko rote the ki suuna ye nagar bhi ho gaya
log usi surat pareshan hain jidhar bhi dekhiye
aur vo kahte hain koh-e-gham to sar bhi ho gaya
bam-o-dar par hai musallat aaj bhi sham-e-alam
yuun to in galiyon se ḳhurshid-e-sahar bhi ho gaya
us sitamgar ki haqiqat ham pe zahir ho ga.i
ḳhatm ḳhush-fahmi ki manzil ka safar bhi ho gaya
Leave a Reply