poet

Hamein Kaun Puchhe Hai Sahibo Na Sawal Mein Na Jawab Mein

hamen kaun puchhe hai sahibo na saval men na javab men

na to koi aadmi jaane hai na hisab men na kitab men

na to ilm apne men hai yahan ki khuda ne bheja hai kis liye

isi ko jo kahte hain zindagi so to jism ke hai azaab men

yahi shakl hai jise dekho ho yahi vaza hai jise ghuro ho

jise jaan kahte hain aadmi use dekha alam-e-khvab men

main khilaf tum se nahin kaha ise maano ya ki na maano tum

main ne apni ankhon se dekha main ki mila huun us ki janab men

na sunoge ‘soz’ ki guftugu jo phiroge DhunDne ku-ba-ku

ye nasha hai us ke bayan men ki nahin nasha hai sharab men

More Poems

Leave a Comment