Pirzada Qasim
vo ek ḳhvab jo dekha gaya tha ujlat men
usi ka karb sameTa hai aaj fursat men
ye baat sach hai ki begar to nahin ye hayat
ki ham ko zaḳhm-e-tamanna mile hain ujrat men
ziyan yahi hai ki kuchh aur sujhta hi nahin
bas ek dhyan men rahte hain log shohrat men
hunar kaho ki karamat magar yahi hai ki ham
ḳhushi ko Dhaal bhi sakte hain gham ki surat men
zamin jiiti hai ya sarzamin-e-dil us ne
saval tishna raha jashn-e-fat.h-o-nusrat men
Leave a Reply